Këngëtarja e njohur Lady Gaga ka anuluar në minutën e fundit koncertin e saj në Montreal për shkak të një infeksioni në rrugët e frymëmarrjes, i cili është përkeqësuar pavarësisht përpjekjeve për t’u rikuperuar. Ajo njoftoi fansat përmes një postimi në Instagram, ku shprehu keqardhjen e thellë për zhgënjimin që u shkaktoi dhe theksoi se mjeku i saj e këshilloi fuqimisht të mos performonte për të ruajtur cilësinë e shfaqjes. Lady Gaga falenderoi fansat për mbështetjen në koncertet e mëparshme në Montreal dhe shprehu dëshirën për t’u rikthyer së shpejti me turneun “Mayhem Ball”, i cili ka nisur verën e kaluar dhe do të përfundojë në Nju Jork më 13 prill. Ende nuk është bërë e ditur nëse koncerti i anuluar do të riplanifikohet.