Londrim Mekaj, fituesi i edicionit të katërt të Big Brother VIP Kosova, ka ndarë një moment të veçantë pas daljes nga spektakli në një intervistë për Prive në Klan Kosova. Ai tregoi se aktorja e njohur turke Demet Ozdemir, e cila e kishte ndjekur në rrjetet sociale, i kishte kthyer një mesazh zanor pas një falënderimi që ai i dërgoi. Në mesazhin e saj, Ozdemir e cilësoi Londrimin si një nga favoritët e saj dhe i tha se e kishte merituar fitore, duke shprehur dëshirën për t’u takuar një ditë. Ky reagim i aktorës turke ishte një nga momentet më të veçanta dhe mbështetëse për Londrimin pas përfundimit të spektaklit.