Londrim Mekaj, fituesi i edicionit të katërt të Big Brother VIP Kosova, ka zbuluar në emisionin “Shoqet” në Klan Kosova se vazhdon të mbajë marrëdhënie shumë të mira me ish-banorët Elijonën dhe Klodin. Ai theksoi se miqësia e krijuar brenda shtëpisë së BBVK-së po vazhdon edhe pas përfundimit të spektaklit, megjithëse angazhimet e shumta i bëjnë më të vështirë kontaktin e vazhdueshëm. Londrimi përshkroi raportin me Klodin si një shoqëri të pastër dhe pa komplekse, duke theksuar lidhjen e fortë që kanë. Pas fitimit të çmimit prej 124 mijë eurosh, ai ka nisur përgatitjet për projekte të reja muzikore për fansat dhe publikun e tij.