Loredana dhe futbollisti i Borussia Dortmund, Karim Adeyemi, po përgatiten të zbulojnë anën më personale të marrëdhënies së tyre përmes dokumentarit “Loredana & Karim – Love & Drama”, që do të debutojë më 4 qershor në Prime Video. Promovimi i dokumentarit ka ngjallur shumë reagime, ku dyshja shprehen hapur për ndjenjat dhe dinamikën e veçantë që kanë, duke theksuar se nuk janë një çift normal. Dokumentari përbëhet nga gjashtë episode që trajtojnë sfidat e lidhjes së tyre, presionin e famës dhe përballjen me titujt mediatikë që i kanë ndjekur. Përtej vështirësive, kimia dhe humori mes tyre shfaqen qartë edhe në momentet e përditshme, duke bërë fansat të presin me padurim zbardhjen e plotë të historisë së tyre.