Kai Trump, mbesa 18-vjeçare e Donald Trumpit, ka folur hapur për paragjykimet dhe komentet negative që përjeton në publik dhe në internet vetëm për shkak të mbiemrit të saj. Në një intervistë në podcastin “Impaulsive” të Logan Paulit, ajo tha se “gjysma e botës” nuk e pëlqen, megjithëse shumë njerëz nuk e njohin personalisht. Kai tregoi se ka përjetuar edhe situata të pakëndshme, si kur një person i tha se gjyshi i saj është “i tmerrshëm”. Ajo gjithashtu theksoi se nuk është e interesuar për politikë dhe nuk do të kandidonte kurrë për presidente, duke e quajtur politikën “shumë të rrezikshme” dhe duke u përshkruar si një moderatë që kritikon ekstremet në të majtë dhe të djathtë.