Gerard Piqué ka zbuluar se si nisi historia e tij e dashurisë me këngëtaren kolumbiane Shakira, duke treguar se gjithçka filloi me një mesazh të thjeshtë për motin gjatë përgatitjeve për Kupën e Botës 2010 në Afrikën e Jugut. Ai i kishte shkruar Shakirës për të pyetur për temperaturën në vendin ku do të zhvillohej turneu, duke nisur kështu një komunikim të përditshëm mes tyre. Piqué madje i kishte premtuar këngëtares se do të arrinte deri në finalen e Botërorit për ta takuar sërish në ceremoninë përmbyllëse. Kjo lidhje u shndërrua në një histori dashurie që zgjati më shumë se një dekadë, gjatë së cilës çifti u bë prindër të dy djemve, përpara ndarjes së tyre në vitin 2022.