Këngëtarja e njohur Mihrije Braha ka ndarë me publikun një urim të veçantë për nusen e djalit të saj, Tringën, e cila sapo ka përfunduar studimet me sukses. Përmes postimeve në rrjetet sociale, Mihrije shprehu krenarinë dhe gëzimin e saj për këtë arritje të rëndësishme, duke e quajtur Tringën “krenarinë e familjes”. Në fotot e publikuara shfaqet e gjithë familja, përfshirë Mihrijen, djalin Platorin, Tringën dhe këngëtarin Naim Abazi, duke festuar së bashku këtë moment të veçantë. Pas urimit të saj, ndjekësit dhe miqtë kanë reaguar me shumë mesazhe përgëzimi për këtë ngjarje të gëzueshme familjare.