Tre ish-banorët e Big Brother VIP Albania, Selin, Mateo dhe Gimbo, kanë ndërprerë papritur marrëdhëniet e tyre pas përfundimit të edicionit të pestë. Fillimisht, Selin ka hequr Mateon nga lista e ndjekësve në Instagram, veprim që më pas e ka ndjekur edhe Gimbo, ndërsa Mateo iu është përgjigjur duke i bërë “unfollow” të dyve. Kjo prishje e marrëdhënieve vjen pas një deklarate të Mateos gjatë emisionit “Post BBVA”, ku ai kritikoi fitoren e Selin, duke thënë se ajo nuk e meritonte triumfin për shkak të mungesës së lojës fituese. Përplasja u thellua edhe më shumë pasi Mateo kishte përmendur më parë Gimbon si mik të mirë, por tani Gimbo duket se ka zgjedhur të mbajë anën e Selin, duke i dhënë fund miqësisë me Mateon. Ndërsa fansat presin shpjegime, tre ish-banorët nuk kanë dhënë ende ndonjë koment zyrtar për situatën.