Mirlind Daku, sulmuesi i Kombëtares, ka publikuar për herë të parë një foto të plotë të vajzës së tij, Miresa, duke ndarë me ndjekësit një moment të veçantë nga jeta personale. Në imazhin e shpërndarë në rrjetet sociale, ai shfaqet pranë vajzës së tij të vogël, e cila duket shumë e ëmbël me një peshqir mbi kokë. Mirlind Daku dhe bashkëshortja e tij, Vesa, u bënë prindër për herë të parë në dhjetor të vitit të kaluar, por deri tani kishin preferuar të mbajnë larg vëmendjes publike këtë pjesë të jetës. Pas disa ditësh pushimi familjar, futbollisti vendosi të ndajë me publikun këtë kujtim të veçantë që i ka ndryshuar jetën.