Këngëtarja me origjinë shqiptare, Dua Lipa, ka ndarë me ndjekësit e saj në Instagram momente të veçanta nga netët e Sunny Hill, ku shfaqet në shoqërinë e familjes dhe miqve të saj. Ajo ka publikuar një seri fotografish që transmetojnë një atmosferë gëzimi, afërsie dhe ngrohtësie, duke treguar një anë më të thjeshtë dhe personale të jetës së saj larg skenës. Në një nga pamjet më të komentuar, Dua shfaqet elegante me një fustan të bardhë të shkurtër dhe një xhaketë të kuqe, duke tërhequr vëmendjen për stilin dhe energjinë pozitive që përcjell. Reagimet e ndjekësve kanë qenë shumë pozitive, duke vlerësuar jo vetëm pamjen, por edhe atmosferën e ngrohtë dhe festive që këngëtarja ka ndarë me ta.