Një ditë pasi u bë publike shtatzënia e Tringës, nusja e djalit të Naim Abazit dhe Mihrije Brahës, është shpërndarë momenti emocionues kur ajo i kumton lajmin gjyshërve të ardhshëm. Tringa zgjodhi një mënyrë spontane për të ndarë këtë gëzim me Mihrijen, e cila në fillim mendoi se po xhirohej një video për rrjetet sociale. Kur kuptoi se bëhej fjalë për një lajm të vërtetë, Mihrija u mbush me emocione dhe përqafimi mes tyre e bëri momentin edhe më të veçantë. Me ardhjen e fëmijës, Mihrija dhe Naim Abazi do të bëhen gjyshër për herë të parë, ndërsa lajmi është pritur me shumë urime nga miq dhe kolegë të çiftit.