Ylli britanik i rock-ut, Morrissey, ka anuluar koncertin e tij të planifikuar në Valencia, Spanjë, për shkak të mungesës së gjumit. Ai u shqetësua gjatë natës nga zhurmat e forta të festivalit tradicional Las Fallas, përfshirë këngët techno dhe njoftimet me megafon, që vinin nga jashtë hotelit ku ishte akomoduar. Në një deklaratë zyrtare, Morrissey e përshkroi hotelin si një “ferr të papërshkrueshëm” dhe tha se do t’i duhet një kohë e gjatë për t’u rikuperuar, duke e bërë të pamundur mbajtjen e koncertit. Ai aktualisht është në turne për promovimin e albumit të tij të ri, ndërsa ende nuk është vendosur nëse do të caktohet një datë e re për koncertin apo do të bëhen rimbursime për biletat.