Festivali Sunny Hill po përmbyllet me një natë spektakolare në Prishtinë, ku DJ dhe producenti i njohur Martin Garrix është ylli kryesor i mbrëmjes së fundit. Pas dy netëve të mbushura me performanca nga emra të mëdhenj si Katy Perry dhe Leëis Capaldi, organizatorët premtojnë një finale të fuqishme me muzikë elektronike dhe artistë vendorë dhe ndërkombëtarë si Keinemusik. Ndërkohë, gjatë performancës së DJ Kim Turnbull në skenën kryesore vërehet një numër më i ulët pjesëmarrësish, pasi publiku po ruan energjinë për Martin Garrix dhe Adam Port në skenën C4. Edicioni i këtij viti ka konfirmuar statusin e Sunny Hill si një nga ngjarjet më të mëdha muzikore në Evropën Juglindore, me të gjitha biletat e shitura dhe një atmosferë festive që pritet të kulmojë sonte.