Këngëtarja e madhe greke Marinella, emri i vërtetë Kyriaki Papadopoulou, ka ndërruar jetë në moshën 87-vjeçare pas një periudhe të gjatë luftë me pasojat e një goditjeje në tru që pësoi në skenën e Herodionit në shtator 2024. Lajmin e trishtë e bëri të ditur familja e saj përmes një deklarate zyrtare, duke kërkuar privatësi në këto momente zie. Marinella ishte një ikonë e muzikës greke me një karrierë që zgjati mbi gjashtë dekada, duke lënë pas një diskografi me mbi 40 albume dhe bashkëpunime me artistë të njohur si Stelios Kazantzidis, Manos Hadjidakis dhe Giorgos Dalaras. Ajo përfaqësoi Greqinë në Eurovision 1974 dhe mbeti një figurë e paharrueshme në historinë muzikore të vendit, ndërsa admiruesit e saj në mbarë botën e kujtojnë me respekt dhe dashuri.