Këngëtari i njohur grek Giorgos Mazonakis ndërroi jetë në moshën 54-vjeçare pas një arresti kardiak, pavarësisht përpjekjeve të mjekëve në spitalin “Elpis” në Athinë për ta rikthyer në jetë. Ai ishte një figurë kyçe e muzikës popullore greke, i njohur për stilin e tij unik dhe temperamentin e veçantë, që ndryshoi mënyrën e jetës së natës në Athinë dhe la pas një repertor të pasur me albume dhe hite të njohura. Mazonakis nisi karrierën e tij në vitin 1992 dhe arriti sukses të madh me albumet e tij, duke u bërë një nga emrat më të rëndësishëm të muzikës greke të dekadave të fundit. Vdekja e tij përbën një humbje të madhe për muzikën dhe kulturën greke, ndërsa ai mbetet i dashur edhe për publikun shqiptar.