Mel Schilling, prezantuesja e njohur e programit “Married at First Sight”, ka ndërruar jetë në moshën 54-vjeçare pas një beteje të gjatë me kancerin e zorrës së trashë. Lajmin e trishtë e konfirmoi bashkëshorti i saj, Gareth Brisbane, i cili përmes një postimi prekës në Instagram ndau momentet e fundit të jetës së Melit dhe e përshkroi atë si një grua frymëzuese, partnere të përkushtuar dhe nënë të mrekullueshme për vajzën e tyre 10-vjeçare. Mel u diagnostikua në dhjetor të vitit 2023 dhe iu nënshtrua 16 raundeve të kimioterapisë, por pas dy vitesh trajtimi mjekët konfirmuan se mundësitë për shërim ishin shteruar. Humbja e saj ka tronditur komunitetin televiziv dhe fansat, ndërsa bashkëshorti i saj bëri thirrje që të gjithë të vlerësojnë jetën dhe të jetojnë çdo moment në maksimum.