Nina Dobrev ka surprizuar fansat e saj me një transformim të jashtëzakonshëm, duke kaluar nga flokët brune në bionde për herë të parë në karrierë. Ky ndryshim i madh është bërë për rolin e saj të ri si Piper Bellinger në filmin “It Happened One Summer”, një komedi romantike e bazuar në romanin e Tessa Bailey. Ajo publikoi në Instagram disa foto me pamjen e re, ku mori mijëra pëlqime dhe komplimente nga kolegë dhe fansa, përfshirë edhe aktoren Claire Holt. Filmi është aktualisht në fazën e xhirimeve dhe përveç Dobrev, në kast përfshihen edhe Virginia Gardner, Tyler Hoechlin dhe Gavin Leatherwood, me regji nga Peter Hutchings.