Grupi danezo-norvegjez “Aqua”, i njohur globalisht për hitin e tyre “Barbie Girl”, ka njoftuar ndarjen pas më shumë se 30 vitesh aktivitet muzikor. Anëtarët e grupit kanë bërë të ditur përmes Instagramit se do të ndalojnë performancat live, duke theksuar se vendimi është marrë në mënyrë paqësore dhe me respekt të ndërsjellë. “Aqua” u formua në vitin 1994 dhe arriti famë ndërkombëtare me albumin debutues “Aquarium” dhe këngë të tjera të suksesshme si “Doctor Jones” dhe “Cartoon Heroes”. Ndarja vjen vetëm pak muaj para 30-vjetorit të albumit të tyre, ndërsa fansat reaguan me emocione të forta, duke e konsideruar këtë moment si “fundin e një epoke” në muzikën pop europop.