Këngëtarja e njohur Mejreme Kurti, me origjinë nga Mati, ka publikuar projektin e saj më të ri muzikor me titullin “Çika e Diasporës”. Kënga është rezultat i bashkëpunimit me autoren Hyrie Mustafa dhe muzikantin Arben Bytyqi, ndërsa klipi është realizuar nga Produksioni Blin Art me regji nga Jetmir Sejdiu. Një veçanti e këtij projekti është pjesëmarrja e familjes Aliu në videoklip, ku Mejreme shfaqet duke kënduar në një atmosferë të ngrohtë familjare, duke i dhënë kështu një dimension më të prekshëm dhe real idesë së këngës. Tani, të gjitha prodhimet muzikore të Mejreme Kurtit mund të ndiqen në kanalin e saj zyrtar në YouTube, duke i dhënë fansave mundësinë të shijojnë zërin dhe artin e saj në çdo kohë.