Selin Bollati ka folur hapur për marrëdhënien e saj me DJ Gimbon, partnerin me të cilin nisi romancën gjatë pjesëmarrjes në Big Brother VIP Albania 5. Ajo theksoi se lidhja e tyre është shumë e shëndetshme dhe e ndërtuar mbi mirëkuptim, duke mos u ngjajtur marrëdhënieve tipike të bashkëmoshatarëve të tyre. Selini shtoi se ata nuk e trajtojnë marrëdhënien në mënyrë klasike dhe se kjo i dallon nga gjenerata e tyre, e cila shpesh është e komplikuar në çështjet e çiftit. Për më tepër, ajo komentoi me humor bashkëjetesën, duke pranuar se DJ Gimbo nuk është shumë korrekt në përditshmëri, por ata janë gjithmonë bashkë dhe mbështesin njëri-tjetrin në çdo paraqitje publike.