Xhensila Myrtezaj dhe Ledri Vula, dy emra të njohur të estradës shqiptare, kanë bërë një veprim të papritur në rrjetet sociale duke hequr njëri-tjetrin nga lista e ndjekjeve në Instagram. Ky veprim ka ngjallur aludime për një distancim të mundshëm mes tyre, sidomos pasi ndodhi vetëm një ditë pas ditëlindjes së 40-të të Ledrit, kur shumë prisnin një urim publik nga Xhensila. Raporti mes tyre, sipas burimeve, nuk ka qenë i njëjtë prej kohësh dhe ftohja mund të ketë nisur më herët. Edhe pse kanë qenë në qendër të vëmendjes për rreth një vit për shkak të afrimitetit të tyre, asnjëri prej tyre nuk ka konfirmuar publikisht natyrën e marrëdhënies së tyre.