Historia e dashurisë mes Olës dhe Adionit, e nisur gjatë eksperiencës së tyre në Ferma VIP 3, po forcohet edhe më shumë me kalimin e kohës. Pas fejesës, çifti po shfaqet i afërt jo vetëm me njëri-tjetrin, por edhe me familjet përkatëse, duke krijuar një lidhje të ngrohtë dhe të respektuar. Së fundmi, Ola ka uruar në mënyrë të veçantë nënën e Adionit, Adelina, për ditëlindjen e saj, duke publikuar një fotografi ku shfaqen të përqafuara dhe duke shprehur dashuri dhe respekt për të. Kjo marrëdhënie e mirë mes Olës dhe familjes së partnerit është vënë re edhe nga ndjekësit, të cilët komentojnë pozitivisht përshtatjen e saj me traditat dhe ambientin familjar.