Paris Hilton surprizoi të gjithë gjatë sfilatës “GucciCore” në New York duke u shfaqur me një pamje krejtësisht të re. Ajo la pas flokët e saj bjonde ikonike dhe u paraqit me një paruke të gjatë brune dhe balluke, duke ndryshuar totalisht imazhin e saj të zakonshëm. Për eventin në Times Square, Paris zgjodhi një fustan të verdhë mëndafshi me detaje fjongo dhe rripin karakteristik të Gucci-t, të kombinuar me një pallto të zezë me gëzof dhe çizme lëkure. Në mbrëmjen luksoze ishin të pranishëm edhe emra të njohur si Kim Kardashian, Mariah Carey, Shawn Mendes dhe modele të famshme si Cindy Crawford dhe Emily Ratajkowski, duke e bërë eventin një nga më të ndjekurit në botën e modës dhe showbiz-it.