Aktori i njohur Paul Wesley, i famshëm për rolin e Stefan Salvatore në serialin “The Vampire Diaries”, është martuar me modelen Natalie Kuckenburg pas disa vitesh lidhje. Çifti organizoi një ceremoni intime ku Wesley u shfaq me kostum klasik blu të errët, ndërsa nusja veshi një fustan mëndafshi elegant të dizajneres Galia Lahav. Lajmin e bukur e konfirmoi vetë Natalie përmes disa fotografive të publikuara në Instagram, që morën mijëra urime nga fansat. Aktori 43-vjeçar, për të cilin kjo është martesa e tretë, ka zbuluar se sekreti i marrëdhënies së tyre është humori dhe qeshja e përbashkët, ndërsa propozimin e bëri në të njëjtin hotel ku kishin pasur takimin e parë.