DJ britanik PAWSA, emri i vërtetë David Esekhile, do të performojë për herë të parë në Sunny Hill Festival këtë verë, duke sjellë në Prishtinë stilin e tij të veçantë minimal tech house. I lindur në Londër dhe bashkëthemelues i “Solid Grooves Records”, ai është një nga figurat më të respektuara dhe më kreative në skenën globale të muzikës elektronike. Me hite si “Dirty Cash (Money Talks)” dhe “PICK UP THE PHONE”, PAWSA ka fituar famë ndërkombëtare për energjinë dhe ritmet e tij karakteristike që mbushin pistat e kërcimit. Sunny Hill Festival, që mbahet më 31 korrik, 1 dhe 2 gusht në Bërnicë, po rrit vazhdimisht standardet e tij duke sjellë artistë të kalibrit botëror dhe duke e bërë Prishtinën një qendër të rëndësishme të muzikës verore në Evropë.