Associated Press ka vlerësuar performancën e këngëtarit shqiptar Alis me këngën “Nân” si një nga 10 më të mirat e Eurovision Song Contest 2026, duke e përshkruar atë si një kolona zanore të një skene emocionale filmi. Artikulli thekson atmosferën dramatike dhe elementet teatrale që përfshijnë një kor me atmosferë kishtare dhe një figurë femërore që simbolizon nënën, e interpretuar nga aktorja Raimonda Bulku. Alis u shfaq në skenë me një kostum që ngjante me një parzmore metalike me zinxhirë, duke shtuar peshën dramatike të performancës së tij. Kënga shqiptare u rendit mes emrave më të spikatur të finales së madhe në Vjenë, së bashku me përfaqësues nga vende të tjera si Italia, Finlanda dhe Australia.