Albërije Hadërgjonaj ka rikthyer vëmendjen te përplasja e saj me moderatorin Ardit Gjebrea, duke zbuluar arsyet që çuan në krisjen e marrëdhënies së tyre. Këngëtarja shpjegoi se moskualifikimi i saj në finalen e festivalit “Kënga Magjike” dhe mënyra e votimit ishin burimi i habisë dhe tensionit mes tyre. Albërije theksoi se reagimi i saj ndaj këtij rezultati solli një përplasje të drejtpërdrejtë me Gjebrean, i cili sipas saj, i kishte mbetur “hatri”. Ajo pohoi se suksesin dhe statusin e saj artistik i atribuon vetëm talentit dhe punës së saj, duke refuzuar miratimin e dikujt tjetër për t’u konsideruar artiste.