Konflikti mes Eduard Kuçit dhe këngëtarit Jozefin Marku ka marrë përmasa serioze pas disa deklaratave ofenduese dhe kërcënimeve në rrjetet sociale. Situata u agravua kur të dy u përballën fizikisht në rrugë, duke rezultuar në arrestimin e Markut dhe vendosjen e masës së sigurisë "arrest në shtëpi" për të. Në anën tjetër, ndaj Kuçit është ngritur akuza për moskallëzim krimi dhe ai është shpallur në kërkim policor për t’u marrë në pyetje. Pas këtyre zhvillimeve, Eduard Kuçi ka mbyllur profilin e tij në Instagram, duke u larguar nga jeta publike, ndërsa mbetet e paqartë nëse ky largim do të jetë i përhershëm apo i përkohshëm.