Taylor Swift është përfshirë në një konflikt ligjor me Maren Wade, një artiste nga Las Vegasi, e cila e ka paditur këngëtaren për shkelje të markës tregtare lidhur me albumin e saj “The Life Of A Showgirl”. Wade pretendon se ka përdorur prej vitesh konceptin “Confessions of a Showgirl” dhe kërkon dëmshpërblim dhe ndalimin e përdorimit të titullit nga Swift. Ekipi ligjor i Taylor Swift e ka cilësuar padinë si “absurde” dhe “të pabazuar”, duke akuzuar Wade se po përpiqet të përfitojë nga fama e këngëtares për të promovuar markën e saj. Gjithashtu, avokatët e Swift pretendojnë se Wade ka përdorur pa leje muzikën dhe imazhin e këngëtares në rrjetet sociale dhe se nuk ka rrezik ngatërrese nga publiku mes dy projekteve. Seanca gjyqësore është caktuar për datën 27 maj.