Debatet mes banoreve të Big Brother VIP Albania, Edisa dhe Brikena, vazhdojnë të jenë ndër momentet më të komentuar në shtëpi. Gjatë spektaklit të së shtunës, Edisa kritikoi ashpër Brikenën, duke e akuzuar se sillet sipas një roli të krijuar për publikun dhe se është mashtruese, ndërsa e quajti “ëndrra e çdo vjehrre”. Brikena u mbrojt duke thënë se disa veprime janë pjesë e lojës dhe provokimeve brenda shtëpisë, duke mohuar se ka sulmuar apo sharë ndonjë banore. Në debat ndërhyri edhe Mateo, i cili tha se Edisa ka një xhelozi të theksuar ndaj Brikenës. Kjo përplasje nxiti tensione të forta dhe replika të ashpra mes tyre gjatë spektaklit.