Debati mes ish-banorëve të Big Brother VIP Albania, Selin Bollatit dhe Rogertit, ka marrë përmasa të reja me tone të ashpra dhe aludime për një përballje ligjore. Rogerti u bë viral me vargjet “ala-ja Selina, ala-ja Dubai” në një klub dhe më pas i shndërroi në një projekt muzikor, duke përdorur emrin “Selina” që publiku e lidh me Selin Bollatin. Selin la të kuptohej se po konsideron rrugën ligjore për këtë përdorim, por nuk ka ndërmend ta çojë çështjen në gjykatë, duke u mbështetur në besimin tek drejtësia hyjnore. Nga ana tjetër, Rogerti u distancua nga lidhja personale me këngën dhe u shpreh i prerë se nëse do të ketë padi, ai është gati për gjykatë, madje me një ton ironik duke thënë se do të bëjë edhe gjyqtarin të kërcëjë me të. Situata mbetet e tensionuar dhe pritet të shihet nëse do të kalojë në një konflikt ligjor apo do të mbetet vetëm në deklarata publike.