Amir Rrahmani, mbrojtësi i Kosovës dhe i Napolit, i ka propozuar martesë modeles kosovare Drita Stublla në një ambient shumë romantik pranë brigjeve të Sicilisë. Ai zgjodhi një jaht për këtë moment të veçantë dhe përveç unazës së fejesës, kishte përgatitur edhe surpriza të tjera për partneren e tij. Pamjet e publikuara në rrjetet sociale tregojnë atmosferën e ngrohtë dhe emocionuese të ngjarjes. Në festën që pasoi, familjarë dhe miq të afërt u mblodhën për të ndarë gëzimin e çiftit në këtë hap të rëndësishëm të jetës së tyre.