Organizatorët e festivalit “Akordet e Kosovës” kishin planifikuar të sjellin Rita Orën si mysafire speciale këtë vit në Prishtinë, por negociatat dështuan për shkak të kostove të larta që menaxhmenti i këngëtares kërkoi. Edhe përpjekjet për ta sjellë vetëm këngëtaren pa staf të madh nuk ishin të mjaftueshme për të përballuar shpenzimet. Drejtoresha e festivalit, Arta Avdiu, deklaroi para Bordit të RTK-së se kostoja ishte e papërballueshme dhe se Rita Ora kishte kërkuar të konsultohej edhe me familjen e saj për këtë çështje. Megjithatë, festivali vazhdon me mbështetjen financiare të Ministrisë së Kulturës, e cila ka rritur buxhetin për këtë ngjarje kulturore.