Këngëtarja amerikane Katy Perry dhe ish-kryeministri kanadez Justin Trudeau janë fotografuar duke u kapur për dore gjatë pushimeve të tyre luksoze në Europë, të cilat tashmë kanë hyrë në javën e tretë. Dyshja u panë duke zbritur nga një avion privat në ishullin italian të Sardenjës, ku kanë kaluar ditët e fundit, duke tërhequr vëmendjen e pushuesve dhe mediave rozë. Megjithëse asnjëri prej tyre nuk ka komentuar publikisht për natyrën e marrëdhënies së tyre, paraqitjet e shpeshta së bashku kanë ndezur spekulime dhe diskutime në rrjetet sociale. Pushimet e tyre vazhdojnë pa ndërprerje, ndërsa imazhet e tyre në humor të mirë dhe afërsi kanë bërë bujë në mediat ndërkombëtare.