Opinionisti Ermal Mamaqi ka reaguar pas incidentit të ndodhur në transmetim live mes Fabjola Elezajt dhe moderatores Arbana Osmani në spektaklin Ferma VIP. Ai shprehet i habitur, duke theksuar se në 25 vite eksperiencë televizive nuk ka parë një situatë të tillë, dhe e cilëson momentin si shumë të rëndë dhe me ndikim negativ për publikun. Mamaqi vlerëson qetësinë dhe menaxhimin profesional të Arbanës në studio, ndërsa kritikon ashpër sjelljen e Fabjolës, duke ngritur pyetjen nëse sjellje të tilla duhet të tolerohen në një format me rregulla të qarta. Nga ana e saj, Ola ka shprehur pendesë për veprimin ndaj Osmanit, duke përmendur se një konkurrente tjetër kishte vepruar në mënyrë të ngjashme ndaj saj.