Rihanna ka bërë bujë me fotosesionin e saj të fundit për revistën 72, ku shfaqet në një editorial prej 18 faqesh me titullin “La Reine de l’Espace” (“Mbretëresha e Hapësirës”). Ky projekt është një homazh ndaj mbretëreshave historike me ngjyrë, forcës së grave dhe rolit transformues të mëmësisë, duke e vendosur këngëtaren në qendër të një narrative të fuqishme vizuale. Fotosesioni është realizuar nga Szilveszter Makó dhe përfshin krijime të veçanta nga Dior dhe Valentino, ndërsa Edward Enninful ka qenë përgjegjës për konceptimin e editorialit. Rihanna ka ndarë edhe momente nga prapaskenat, duke u shfaqur me vajzën e saj në krahë, duke treguar kështu edhe anën e saj familjare pas lindjes së fëmijës së tretë.