Pas një periudhe të gjatë larg skenave shqiptare, këngëtari dhe aktori i njohur Bertan Asllani do të rikthehet në një koncert të madh në Shkup më 17 korrik, duke u bashkuar me Yll Limanin. Bertani, i cili ka ndërtuar karrierë të suksesshme në Turqi si aktor dhe kompozitor, do të performojë për herë të parë pas shumë vitesh në publikun shqiptar. Ky event është pjesë e turit të koncerteve të Yllit, i cili po regjistron shifra rekord pjesëmarrjeje dhe do të vijojë më pas me dy net në Prishtinë më 24 dhe 25 korrik. Rikthimi i Bertanit në skenën shqiptare pritet të jetë një surprizë e madhe për fansat dhe një bashkim i dy emrave të dashur të muzikës.