Pas javësh spekulimesh në rrjet për rikthimin e serialit të njohur “Kafeneja jonë”, producenti dhe aktori Shkumbin Istrefi ka konfirmuar se projekti është në zhvillim. Në vend të një seriali të ri, po punohet për një film me metrazh të gjatë, ku pritet të ribashkohet pjesa më e madhe e kastit origjinal. Megjithatë, mungesa e aktorëve që nuk jetojnë më do të ndihet në këtë projekt. Aktualisht janë në proces përgatitjet për skenarin dhe sigurimin e financimit, me një premierë të planifikuar për vitin e ardhshëm.