Pas një periudhe të gjatë heshtjeje në rrjetet sociale, Londrim Mekaj, fituesi i Big Brother VIP Kosova, është rikthyer me një lajm që ka ngjallur kureshtje tek fansat e tij. Ai ka zbuluar se mungesa e tij nuk ka qenë pushim, por një periudhë intensive pune në studio, ku ka përgatitur materiale të reja muzikore. Rikthimi i tij shënohet me publikimin e një EP-je të re me titull “Afterparty”, që përmban disa këngë të reja dhe do të publikohet gradualisht. Londrimi paralajmëron se kjo është vetëm faza fillestare e një etape të re në karrierën e tij, duke lënë të kuptohet se fansat mund të presin projekte të tjera muzikore në vazhdim.