Rita Ora ka nisur sezonin veror të koncerteve me një performancë energjike në Isle of Wight Festival në Mbretërinë e Bashkuar, duke mahnitur mijëra fansa me hitet e saj më të njohura. Artistja shqiptare ka paralajmëruar se kjo është vetëm fillimi i verës së saj muzikore, ndërsa ka dhënë edhe një performancë akustike surprizë në Soho House. Gjatë këtij viti, Rita është fokusuar në krijimin e muzikës së re dhe ka qenë e angazhuar në xhirimet e dy filmave në Australi. Për fansat shqiptarë dhe të rajonit, ajo do të performojë më 1 gusht në Stadiumin "Biljanini Izvori" në Ohër të Maqedonisë së Veriut, në një koncert që pritet të jetë ndër më të mëdhatë e verës dhe një mundësi unike për të shijuar nga afër hitet e saj ndërkombëtare.