Rita Ora ka ndarë së fundmi në rrjetet sociale një seri fotografish nga koncertet e saj gjatë turneut veror, duke rikujtuar momentet më të veçanta të performancave të saj në vende si Zvicra dhe Finlanda. Ajo shprehu entuziazmin për koncertin e radhës që do të zhvillohet këtë të shtunë në kuadër të Ohrid Summer Festival, në stadiumin “Biljanini Izvori” në Ohër, duke ftuar fansat të bashkohen në këtë event të veçantë. Interesimi për koncertin është i madh, megjithatë biletat janë ende në dispozicion përmes platformës kupikarta.com. Pas koncertit në Maqedoninë e Veriut, Rita Ora do të vazhdojë turneun e saj me ndalesa në Poloni dhe Republikën Çeke, duke premtuar performanca energjike dhe produksione spektakolare.