Rita Ora mori vëmendjen në edicionin e pestë të “Kering Foundation Caring for Women Dinner” në New York, ku u shfaq me një fustan të gjatë të zi nga Gucci, i karakterizuar nga një dekolte e theksuar dhe rripa të hollë që i dhanë një pamje elegante dhe të guximshme. Eventi bamirës mblodhi emra të njohur nga moda, muzika dhe arti, duke pasur si qëllim mbledhjen e fondeve për organizata që luftojnë dhunën me bazë gjinore dhe mbështesin të mbijetuarit. Në mbrëmje, Rita pozoi edhe me aktoren Salma Hayek, ndërsa fondet e mbledhura do t’u dedikohen organizatave si Activating Change dhe The New York Women’s Foundation. Ky event është kthyer në një prej më të rëndësishmëve gjatë Javës së Modës në New York, duke bashkuar figura të njohura me një mision të rëndësishëm shoqëror.