Në Big Brother VIP Albania, publiku zgjodhi Rogertin si finalistin e katërt, duke e eliminuar Brikenën nga gara. Me këtë vendim, finalistët për çmimin e madh prej 100 mijë eurosh janë Selina, Mateo, Miri dhe Rogerti, të cilët do të përballen në finalen e madhe më 18 prill. Pas shpalljes së rezultatit, Rogerti u rikthye në shtëpi si finalist, ndërsa Brikena mbeti në studio, duke i dhënë fund rrugëtimit të saj në program. Gjatë mbrëmjes së eliminimit, Brikena festoi 26-vjetorin e saj dhe mori një letër emocionuese nga familja, e cila e falenderoi dhe u shpreh krenare për përpjekjet e saj në Big Brother.