Regjisori francez Romain Gavras është bërë qendra e vëmendjes për lidhjet e tij me disa prej femrave më të njohura të industrisë së showbizit, përfshirë Emily Ratajkowskin, Dua Lipën dhe Rita Orën. Së fundmi, ai u fotografua në Romë duke shkëmbyer puthje pasionante me Emily-n, me të cilën ka një marrëdhënie që ka nisur publikisht në fund të vitit të kaluar dhe është lidhja më e gjatë e saj që nga divorci. Para kësaj, Gavras kishte pasur lidhje me këngëtaren Dua Lipa, me të cilën u nda në vitin 2023 pas tetë muajsh, si dhe me Rita Orën, me të cilën pati një romancë intensive që përfundoi gjatë periudhës së pandemisë. Përveç jetës sentimentale, Gavras njihet për punën e tij në kinematografi dhe videoklipe muzikore, duke fituar çmime të rëndësishme dhe duke realizuar filma me yje të mëdhenj.