Cristiano Ronaldo dhe Georgina Rodriguez kanë rritur dyshimet për një martesë të afërt pasi janë parë me unaza të mëdha diamanti në gisht. Mediat portugeze raportojnë se ceremonia mund të zhvillohet këtë fundjavë në pronën luksoze Quinta da Regaleira në Sintra, megjithëse nuk ka ende konfirmim zyrtar nga çifti. Ata janë fotografuar së fundmi në jahtin luksoz të Ronaldo-s në Majorka dhe më pas në avionin e tyre privat, ku unazat e tyre kanë tërhequr vëmendjen e mediave. Georgina gjithashtu ka tërhequr vëmendje me paraqitjen elegante, duke u shfaqur me një jelek të zi dhe një çantë luksoze Birkin, duke shtuar kuriozitetin rreth eventit të mundshëm.