Moderatorja Roza Lati ka reaguar me tone të forta ndaj këngëtares me famë botërore, Dua Lipa, për mungesën e një qëndrimi publik lidhur me protestat që po zhvillohen në Shqipëri. Në rrjetet sociale, Roza shpërndau një koment të një ndjekësi që shprehte zhgënjimin për heshtjen e artistes ndaj ngjarjeve në vend, duke theksuar nevojën që Dua të përdorë zërin e saj të fuqishëm për çështjet shqiptare. Ajo deklaroi se nuk e ka pëlqyer kurrë Duan si këngëtare dhe i mungon feminizmi, duke shtuar se tani ajo "s'paska as shpirt". Heshtja e Duas ka nxitur debate në rrjetet sociale, ku qytetarët kërkojnë që ajo të marrë një qëndrim publik, ndërsa këngëtarja ndodhet në Itali për një dasmë në Sicili.