Pas 120 ditësh sfidash dhe izolimi, Selin u shpall fituese e Big Brother VIP Albania 5, duke marrë çmimin prej 100 mijë eurosh. Megjithatë, nga kjo shumë 15% i takojnë shtetit për tatime, duke e lënë në dorë të saj 85 mijë euro. Selin ka deklaruar se një pjesë të parave do t’i dedikojë bamirësisë dhe bashkimit të familjes, ndërsa fitimet e saj mund të rriten ndjeshëm përmes kontratave dhe bashkëpunimeve komerciale që pritet të nisin pas finales. Ndërkohë, çmimi i këtij formati ka mbetur i pandryshuar që nga sezoni i parë, duke nxitur debate në publik nëse fituesi duhet të përfitojë më shumë, sidomos në krahasim me formatet e tjera në rajon.