Selin Bollati, fituesja e edicionit të pestë të Big Brother VIP Albania, ka dhënë këshilla të rëndësishme për banorët e ardhshëm të këtij reality show. Ajo u sugjeron atyre që të mos marrin ngjarjet brenda shtëpisë shumë afër zemrës, por ta shohin pjesëmarrjen si një lojë dhe një eksperiencë unike që duhet provuar të paktën një herë në jetë. Në një intervistë për “Artistët Shqiptarë”, Selin theksoi se pas përfundimit të programit, përjetimet mund të kenë kosto emocionale, ndaj është e rëndësishme që banorët të jenë të përgatitur psikologjikisht. Përsa i përket çmimit të madh prej 100 mijë eurosh, ajo konfirmoi me humor se paratë janë dhënë dhe janë përdorur sipas marrëveshjes, duke hedhur poshtë çdo dyshim për vonesa apo probleme financiare. Aktualisht, Selin vazhdon aktivitetet e saj profesionale dhe së shpejti do të jetë pjesë e panelit të emisionit "Goca dhe Gra".