Selvija, bashkëshortja e këngëtarit të ndjerë Shpat Kasapi, ka realizuar premtimin e saj duke publikuar këngën e fundit që Shpati nuk arriti të lansonte gjatë jetës. Projekti muzikor me titullin “Nana” është tashmë në kanalin zyrtar në YouTube dhe ka prekur zemrat e fansave, duke rikthyer zërin e artistit të dashur. Një element i veçantë i këtij lançimi është videoklipi, i krijuar me ndihmën e Inteligjencës Artificiale, ku Shpati shfaqet me krahë engjëlli pranë nënës së tij, duke sjellë një imazh emocional dhe prekës. Ky projekt është vetëm fillimi i një serie krijimesh që Selvija planifikon të publikojë për të ruajtur trashëgiminë muzikore dhe kujtimin e Shpatit në zemrat e publikut shqiptar.