Pas një jave tensioni dhe debateve të ashpra në shtëpinë e Big Brother VIP Albania, produksioni ka vendosur të ndryshojë atmosferën me një lojë të re argëtuese. Në shtëpi ka mbërritur një zarf i cili i është dhënë Gimbos për t’u lexuar para banorëve, ku njofton fillimin e “Sfida e buzëqeshjes”. Banorët duhet të ndahen në çifte përmes një shorti me numra në vazo, pa mundësi ndryshimi të përzgjedhjes së partnerit. Çiftet do të luajnë një lojë ku njëri do të qëndrojë serioz dhe i ftohtë, ndërsa tjetri do të përpiqet ta bëjë të qeshë brenda 5 minutash, duke testuar vetëkontrollin dhe sensin e humorit të tyre.